Safonau Llywodraethu

Mae'r corff llywodraethu ac uwch arweinwyr wedi rhoi trefniadau ar waith i'r sefydliad amddiffyn y cyhoedd yn effeithiol a chynnal hyder y cyhoedd.

Dylai sefydliad gael ei arwain yn dda a chael strwythurau a phrosesau ar waith er mwyn gwneud penderfyniadau da er budd diogelwch cleifion a defnyddwyr gwasanaeth.

• Mae'r sefydliad wedi'i lywodraethu'n dda a'i arwain yn dda.
• Mae'r sefydliad yn glir ynglŷn â'i bwrpas o wella diogelwch y cyhoedd a hyder y cyhoedd, ac yn canolbwyntio arno.
• Mae'r sefydliad yn meithrin diwylliant o agoredrwydd a dysgu, sy'n cefnogi cynaliadwyedd sefydliadol, gwelliant a lles gweithwyr.
• Mae penderfyniadau cyrff llywodraethu yn gymesur, yn gyson, wedi'u targedu, yn dryloyw, yn atebol, yn hyblyg ac yn seiliedig ar risg. Maent yn cael eu llywio gan y dystiolaeth orau sydd ar gael ac yn ystyried barn y rhai yr effeithir arnynt, fel defnyddwyr gwasanaethau ac ymarferwyr, yn ôl yr angen.
• Mae gwrthdaro buddiannau yn cael eu nodi a'u rheoli.

Mae'r sefydliad yn adrodd yn gyhoeddus ar ei berfformiad, yn nodi ac yn gweithredu ar ddysgu ac yn mynd i'r afael â phryderon ynghylch ei berfformiad.

Fel bod diogelwch y cyhoedd a hyder y cyhoedd yn cael eu gwella trwy i'r sefydliad fonitro ei berfformiad, nodi a gweithredu ar bryderon a dysgu perthnasol. Gall pawb fod yn glir ynghylch pa mor dda y mae'r sefydliad yn perfformio mewn meysydd allweddol.
 

• Mae'r sefydliad yn dryloyw wrth adrodd ar ei berfformiad.
• Mae'r sefydliad yn dadansoddi ei berfformiad ei hun i nodi meysydd i ddysgu a gwella, ac yn gweithredu ar faterion a nodwyd.
• Caiff dysgu perthnasol ac arfer gorau o adroddiadau ac ymholiadau allanol, gan gynnwys cyhoeddiadau PSA, ei nodi, ei ystyried, a'i integreiddio i bolisi ac arfer.