Adroddiad Monitro - Cyngor Osteopathig Cyffredinol 2021/22

Rydym wedi cyhoeddi ein hadroddiad diweddaraf ar gyfer y Cyngor Osteopathig Cyffredinol (GOsC).

Ystadegau allweddol

• yn rheoleiddio ymarfer osteopathi yn y Deyrnas Unedig
• 5,471 o weithwyr proffesiynol ar y gofrestr
• ffi flynyddol o £320 ar gyfer cofrestru am y flwyddyn gyntaf; £430 am yr ail flwyddyn; a £570 ar gyfer pob blwyddyn ddilynol

Uchafbwyntiau

Mae’r adroddiad hwn yn ymdrin â’r cyfnod rhwng 1 Ionawr 2021 a 31 Mawrth 2022.

Canfyddiadau allweddol

• Gwnaeth y GOsC gynnydd ers y llynedd mewn perthynas â chasglu data EDI am ei gofrestryddion. Cynhaliodd arolwg peilot gyda chofrestryddion, gyda chynlluniau i wella’r ffordd y mae’n casglu data EDI adeg cofrestru ac adnewyddu o 2023.
• Lansiodd y GOsC fframwaith EDI ac mae’n rhan o brosiect ymchwil i ystyried profiadau osteopathiaid myfyrwyr o grwpiau heb gynrychiolaeth ddigonol.
• Lansiodd y GOsC Strategaeth Cyfathrebu ac Ymgysylltu 2021-24 y mae’n dweud y bydd yn gwella perthnasoedd â rhanddeiliaid ac yn gwella dealltwriaeth o rôl y GOsC.
• Ymgynghorodd y GOsC ar ei adolygiad o’r Canllawiau ar gyfer Addysg Cyn-gofrestru Osteopathig, yn ogystal â datblygu set newydd o Safonau ar gyfer Addysg a Hyfforddiant.
• Parhaodd y GOsC i werthuso’r cynllun DPP a lansiwyd ganddo yn 2018 a hwylusodd sawl gweminar i gefnogi osteopathiaid i gwblhau eu DPP.