Ymateb i ddeddfwriaeth yr NMC i foderneiddio rheoleiddio bydwreigiaeth | PSA

Sylwadau Cyffredinol ar ymgynghoriad y Cyngor Nyrsio a Bydwreigiaeth

Rydym yn croesawu'r cyfle i wneud sylwadau ar gynigion yr Adran Iechyd (DH) i ddiwygio deddfwriaeth lywodraethol yr NMC.

Ar draws y rheolyddion a oruchwyliwn, mae nifer cynyddol o achosion yn cael eu datrys yn gydsyniol ar ddiwedd y cam ymchwilio. Rydym yn cefnogi’r defnydd o warediadau cydsyniol, ond yn annog y Llywodraeth i ystyried sut, o dan y fframwaith addasrwydd i ymarfer gwrthwynebol presennol, y gellid ymestyn ein gwaith craffu adran 29 i’r dulliau hyn o waredu er mwyn sicrhau eu bod yn ddigonol i ddiogelu’r cyhoedd.

Roeddem yn siomedig i weld nad oedd y Gorchymyn yn cynnwys diwygiadau i atal cofrestreion rhag dod oddi ar gofrestr yr NMC ar unwaith am beidio â thalu lle nad oes sancsiwn yn cael ei osod (neu ei fod yn cael ei ddiddymu), a lle mae gan yr Awdurdod bryderon am ddigonolrwydd y penderfyniad ( negyddu ein pŵer apelio i bob pwrpas).