Pennaeth Cyfreithiol (Cyfnod Mamolaeth)

Contract tymor penodol/Cyfle Secondiad

Cyflog £86,065 | Dyddiad Cau: 30 Mawrth 2026 (11:59 pm)

Am yr Awdurdod Safonau Proffesiynol

Ni yw corff goruchwylio rheoleiddiol annibynnol y DU sy'n helpu i amddiffyn y cyhoedd drwy wella rheoleiddio a chofrestru ymarferwyr iechyd a gofal. Rydym yn goruchwylio gwaith rheoleiddwyr iechyd a gofal cymdeithasol y DU a Chofrestrau Achrededig ymarferwyr gofal iechyd. Mae ein gwaith yn gwella rheoleiddio ac yn amddiffyn y cyhoedd. 

Un o rolau allweddol yr Awdurdod Safonau Proffesiynol (PSA) yw adolygu penderfyniadau terfynol y panel addasrwydd i ymarfer gan y 10 rheoleiddiwr rydyn ni'n eu goruchwylio. Mae Adran 29 o Ddeddf Diwygio'r Gwasanaeth Iechyd Gwladol a Phroffesiynau Gofal Iechyd 2002 yn rhoi disgresiwn inni apelio i'r Uchel Lys os ydym o'r farn nad yw penderfyniad addasrwydd i ymarfer yn ddigonol i amddiffyn y cyhoedd.

Ynglŷn â'r rôl hon

Fel Pennaeth Cyfreithiol, byddwch yn arwain y tîm Adran 29 a'r gwaith o graffu ar benderfyniadau a phrosesau addasrwydd i ymarfer rheoleiddwyr. Byddwch yn sicrhau bod ein gwaith adolygu addasrwydd i ymarfer yn gadarn ac yn canolbwyntio'n gyson ar amddiffyn y cyhoedd. Mae hyn yn cynnwys defnyddio eich arbenigedd i asesu achosion a allai gyflwyno risgiau i ddiogelwch y cyhoedd, rheoli ein hapeliadau a Chyngor allanol, a gweithio gyda chyfreithwyr allanol.

Byddwch yn galluogi'r PSA i annog gwelliant mewn addasrwydd i ymarfer ar draws rheoleiddio proffesiynol trwy ddefnyddio mewnwelediadau a gafwyd trwy ein gwaith craffu i rannu arfer da ac amlygu risgiau a themâu sy'n dod i'r amlwg yn allanol. 

Byddwch hefyd yn gweithio ar y cyd o fewn y PSA, gan gynnig cyngor arbenigol ar faterion addasrwydd i ymarfer, ymatebion i ymgynghoriadau a chyfrannu at ddatblygu polisïau, gan gynnwys diwygio rheoleiddio.

Rôl tymor penodol yw hon i gwmpasu absenoldeb mamolaeth. Rydym yn croesawu ymgeiswyr sydd â diddordeb mewn dilyn y rôl hon fel secondiad o sefydliad arall, a byddem yn falch o drafod trefniadau gyda chyflogwyr sy'n cefnogi cyfleoedd datblygiad proffesiynol i'w staff.

Amdanoch chi

Byddwch yn gyfreithiwr cymwys gyda thystysgrif ymarfer gyfredol a hawliau i gynnal ymgyfreitha, gwybodaeth am reoleiddio proffesiynol (gan gynnwys gweithdrefnau addasrwydd i ymarfer) a phrofiad arweinyddiaeth strategol cryf. Mae hon yn swydd arweinyddiaeth bwysig ar adeg o newid sefydliadol, ac rydym yn chwilio am rywun a all ddarparu sefydlogrwydd, cyfeiriad clir a rheolaeth hyderus i'r tîm. 

Rydym yn chwilio am unigolyn brwdfrydig, ysgogedig a hunangyfeiriedig sy'n gallu: 

• Dangos arbenigedd mewn addasrwydd i ymarfer, gan gynnwys gwybodaeth am y materion sy'n berthnasol i reoleiddwyr iechyd a gofal.
• Arwain swyddogaeth sefydliadol, gan ddarparu arweinyddiaeth effeithiol, cyfeiriad strategol a rheolaeth linell drwy gydol newid. 
• Chwilio’n barhaus am gyfleoedd i wella effeithiolrwydd, effeithlonrwydd ac ansawdd ein gwaith.
• Sicrhau cyfathrebu a rheoli perthynas dda â rhanddeiliaid allanol, gan gynnwys rheoleiddwyr, Cynghorwyr allanol a chyfreithwyr.
• Adrodd yn effeithiol i'r Prif Weithredwr, yr Uwch Dîm Rheoli a'r Bwrdd a'u cynghori ar swyddogaeth Adran 29 y PSA.
• Cyfrannu at waith y PSA yn ehangach, gan gynnwys fel aelod o'r Uwch Dîm Rheoli, a chynghori timau eraill yn eu gwaith sy'n ymwneud ag addasrwydd i ymarfer. 

Ein hymrwymiad i gydraddoldeb, amrywiaeth a chynhwysiant

Rydym wedi ymrwymo i hyrwyddo gweithle teg a chynhwysol lle gall ein holl staff ffynnu a chyrraedd eu llawn botensial. Gwyddom fod gweithlu amrywiol, ar bob lefel, yn caniatáu amgylchedd mwy creadigol a chynhyrchiol sy’n dod â gwahanol safbwyntiau, gwybodaeth a phrofiad. Felly, rydym yn awyddus i wella’r amrywiaeth o fewn ein sefydliad a hoffem annog unigolion sy’n dod o ystod amrywiol o gefndiroedd. 

Fel cyflogwr Hyderus o ran Anabledd, byddwn yn gwarantu cyfweliad i bobl ag anableddau sy'n bodloni'r holl feini prawf hanfodol ac felly os hoffech gael eich ystyried o dan y cynllun hwn, rhowch wybod i ni. 

Sut i wneud cais 

Os oes gennych ddiddordeb mewn gwneud cais, gallwch lawrlwytho'r ffurflen gais a'r disgrifiad swydd/manyleb person isod. Os hoffech dderbyn y ffurflen gais mewn fformat hygyrch neu os hoffech ddysgu mwy am y sefydliad a'r rôl, cysylltwch â recruitment@professionalstandards.org.uk . Sylwch na fyddwn yn ystyried CVs. 

Dyddiad cau ar gyfer ceisiadau: 30 Mawrth 2026 (11:59 pm) 

Cynhelir cyfweliadau o bell ar 21 Ebrill 2026. Noder nad yw'n debygol y gellir cynnig dyddiad cyfweliad arall os na allwch fod yn bresennol ar y dyddiad hwnnw. Fodd bynnag, cysylltwch â ni i drafod. 

Os hoffech chi wneud addasiadau rhesymol ar unrhyw gam o'r broses, mae croeso i chi gysylltu â'r tîm AD ar 020 7389 8050 neu anfon e-bost at recruitment@professionalstandards.org.uk    

Ar hyn o bryd mae'r PSA yn gweithredu polisi hybrid. Yn ystod y chwe mis cyntaf o gyflogaeth, disgwylir i staff llawn amser sy'n gweithio pum niwrnod fynychu'r swyddfa dridiau'r wythnos. Fodd bynnag, os oes angen unrhyw addasiadau rhesymol arnoch, cysylltwch â ni'n uniongyrchol i drafod. 

Ar hyn o bryd mae swyddfeydd y PSA wedi'u lleoli yn Blackfriars, Llundain. 

Darllenwch ein hysbysiad preifatrwydd sy'n nodi sut y byddwn yn defnyddio eich data.