Awdurdod Safonau Proffesiynol yn cyhoeddi adolygiad perfformiad PSNI ar gyfer 2018/19

Mae’r Awdurdod Safonau Proffesiynol (yr Awdurdod) wedi cyhoeddi ei adolygiad perfformiad blynyddol o Gymdeithas Fferyllol Gogledd Iwerddon. Rydym yn adolygu pob un o'r rheolyddion iechyd a gofal cymdeithasol statudol bob blwyddyn i asesu a ydynt yn bodloni ein Safonau Rheoleiddio Da. Mae cofrestr y PSNI yn cynnwys 2,764 o fferyllwyr sy'n ymarfer yng Ngogledd Iwerddon a 552 o fferyllfeydd cofrestredig.

Gwnaethom gynnal adolygiad wedi'i dargedu o berfformiad y PSNI, gan gynnwys adolygiad o'r holl achosion addasrwydd i ymarfer a gaewyd ganddo ar gam cychwynnol ei broses rhwng Tachwedd 2018 a Hydref 2019. Mae'r PSNI wedi bodloni 22 allan o 24 o'r Safonau. Ni chyflawnodd y PSNI Safon 5 na Safon 7 ar gyfer Addasrwydd i Ymarfer. Mae’r Safonau hyn yn ymwneud â thryloywder a thegwch y broses addasrwydd i ymarfer a’r diweddariadau a’r wybodaeth a ddarperir i bartïon sy’n ymwneud ag achosion addasrwydd i ymarfer. Roeddem yn bryderus nad oedd y PSNI wedi rhoi digon o wybodaeth i bartïon am y broses a chynnydd cwynion i ni fod yn fodlon bod y broses yn dryloyw.

Y PSNI yw'r rheolydd terfynol i'w asesu yn erbyn ein Safonau Rheoleiddio Da blaenorol. Fe wnaethom ddechrau defnyddio ein Safonau newydd yn ein cylch adolygu perfformiad 2019/20 felly byddant yn cael eu cymhwyso i adolygiad nesaf y PSNI.

Mae rhagor o wybodaeth am sut y daethom i’n penderfyniad wedi’i nodi yn ein Hadolygiad Perfformiad - PSNI 2018/19 neu gallwch ddarllen crynodeb yn ein ciplun dwy dudalen .

DIWEDD

Awdurdod Safonau Proffesiynol ar gyfer Iechyd a Gofal Cymdeithasol

Cyswllt: E-bost: media@professionalstandards.org.uk

Nodiadau i'r Golygydd

1. Mae’r Awdurdod Safonau Proffesiynol ar gyfer Iechyd a Gofal Cymdeithasol yn goruchwylio 10 corff statudol sy’n rheoleiddio gweithwyr iechyd a gofal cymdeithasol proffesiynol yn y DU.
2. Rydym yn asesu eu perfformiad ac yn adrodd i'r Senedd. Rydym hefyd yn cynnal archwiliadau ac ymchwiliadau a gallwn apelio yn erbyn achosion addasrwydd i ymarfer i’r llysoedd os ydym o’r farn nad yw sancsiynau’n ddigonol i ddiogelu’r cyhoedd a’i fod er budd y cyhoedd.
3. Rydym hefyd yn gosod safonau ar gyfer sefydliadau sy'n dal cofrestrau gwirfoddol ar gyfer galwedigaethau iechyd a gofal cymdeithasol ac yn achredu'r rhai sy'n eu bodloni.
4. Rydym yn rhannu arfer da a gwybodaeth, yn cynnal ymchwil ac yn cyflwyno syniadau newydd i'n sector. Rydym yn monitro datblygiadau polisi yn y DU ac yn rhyngwladol ac yn rhoi cyngor ar faterion yn ymwneud â safonau proffesiynol mewn iechyd a gofal cymdeithasol.
5. Gwnawn hyn i hybu iechyd, diogelwch a lles defnyddwyr gwasanaethau iechyd a gofal cymdeithasol a'r cyhoedd. Rydym yn gorff annibynnol, yn atebol i Senedd y DU.
6. Cymdeithas Fferyllol Gogledd Iwerddon (y PSNI) yw’r rheolydd ar gyfer fferyllwyr a fferyllfeydd cofrestredig yng Ngogledd Iwerddon. Mae ei waith yn cynnwys: sicrhau safonau uchel o addysg a hyfforddiant i fferyllwyr; cynnal cofrestr o fferyllwyr ('cofrestryddion') a chofrestr o fyfyrwyr mewn hyfforddiant cyn-gofrestru; gosod safonau ymddygiad, moeseg a pherfformiad y mae'n rhaid i gofrestreion eu bodloni; gosod safonau ar gyfer datblygiad proffesiynol parhaus i sicrhau bod cofrestreion yn cynnal eu gallu i ymarfer yn ddiogel ac yn effeithiol; cymryd camau i gyfyngu ar neu ddileu unigolion cofrestredig nad ydynt yn cael eu hystyried yn addas i ymarfer; a chynnal cofrestr o fferyllfeydd cofrestredig a gosod safonau y mae'n rhaid iddynt eu bodloni. Ar 31 Mawrth 2020, roedd y PSNI yn gyfrifol am gofrestr o 2,764 o fferyllwyr a 552 o fferyllfeydd cofrestredig. Ei ffi gadw flynyddol ar gyfer fferyllwyr yw £398 a £155 ar gyfer fferyllfeydd cofrestredig.
7. Ein gwerthoedd yw – uniondeb, tryloywder, parch, tegwch a gwaith tîm – ac rydym yn ymdrechu i sicrhau eu bod yn greiddiol i’n gwaith.
8. Mae rhagor o wybodaeth am ein gwaith a’r dull a gymerwn ar gael yn www.professionalstandards.org.uk