Ymchwil
Fe wnaethon ni gyhoeddi canllawiau ar ffiniau rhywiol gyntaf yn 2008.
Yn 2018, cyhoeddwyd ymchwil a gomisiynwyd gennym. Ysgogwyd hyn gan bryderon a nodwyd gennym mewn achosion addasrwydd i ymarfer lle'r oedd gweithwyr proffesiynol, a ganfuwyd eu bod wedi aflonyddu'n rhywiol ar gydweithwyr, yn derbyn sancsiynau llai difrifol na'r rhai a oedd wedi croesi ffiniau rhywiol gyda chleifion. Cyfeiriwyd tri o'r achosion hyn at y Llys gan ddefnyddio ein pwerau i apelio yn erbyn penderfyniadau panel addasrwydd i ymarfer y rheoleiddwyr; fodd bynnag, roedd yr apeliadau hyn yn aflwyddiannus. Roeddem am herio'r gred bod y mathau hyn o achosion, gan nad oeddent yn effeithio'n uniongyrchol ar gleifion/aelodau o'r cyhoedd, yn llai difrifol ac nad oeddent yn cael yr un effaith ar ddiogelwch y cyhoedd a diogelwch cleifion â chamymddwyn rhywiol yn ymwneud â chleifion.
Rydym hefyd wedi comisiynu a chyhoeddi ymchwil a gynhaliwyd gan yr Athro Rosalind Searle.
Cyfres gweminarau a chynhadledd ymchwil
Dros y ddwy flynedd ddiwethaf, rydym wedi cynnal cyfres o weminarau ar wahanol agweddau ar gamymddwyn rhywiol ym maes iechyd a gofal cymdeithasol.
Daeth y gweminarau â rhanddeiliaid o bob cwr o'r sector ynghyd, gan gynnwys:
- rheoleiddwyr
- Cofrestrau Achrededig
- sefydliadau cynrychioli cleifion
- sefydliadau cynrychioliadol cofrestredigion
Ymhlith y pynciau a drafodwyd roedd:
- clywed gan y rhai sy'n gweithio i fynd i'r afael â chamymddwyn rhywiol yn y sector
- adolygu'r dystiolaeth ymchwil ddiweddaraf
- dysgu o ddulliau a ddefnyddir mewn sectorau a gwledydd eraill i nodi beth arall y gellir ei wneud
Rydym bellach wedi casglu set o adnoddau sy'n deillio o'r gyfres o weminarau, gan gynnwys cyflwyniadau a dolenni i waith arall sy'n berthnasol i'r pynciau a'r cyflwyniadau yn ystod y gyfres.
Darllenwch yr adnoddauCynadleddau ymchwil
Mae mynd i'r afael â chamymddwyn rhywiol hefyd wedi bod yn thema allweddol mewn cynadleddau ymchwil diweddar. Gallwch ddarllen y cyflwyniadau cynhadledd i archwilio'r dystiolaeth a rannwyd, y materion a drafodwyd, a'r camau gweithredu sydd eu hangen i gryfhau atal ac ymateb ar draws iechyd a gofal cymdeithasol.
Mynd i'r afael â chamymddwyn rhywiol drwy ein pŵer i wirio ac apelio yn erbyn penderfyniadau addasrwydd i ymarfer
Un o'n rolau goruchwylio allweddol yw adolygu penderfyniadau terfynol a wneir gan baneli addasrwydd i ymarfer rheoleiddwyr (ein pwerau Adran 29). Mae'r paneli rheoleiddwyr hyn yn ystyried pryderon neu gwynion am weithwyr gofal iechyd proffesiynol yn dilyn ymchwiliad a, lle bo angen, gwrandawiad. Mae rheoleiddwyr yn anfon eu penderfyniadau panel terfynol atom, yr ydym yn eu hadolygu i asesu a ydynt yn darparu digon o amddiffyniad i'r cyhoedd. Lle credwn fod penderfyniad yn methu â chyflawni'r disgwyliadau, gallwn apelio yn ei erbyn. Rydym wedi gweld cynnydd mewn penderfyniadau terfynol sy'n ymwneud â chamymddwyn rhywiol ac ymddygiad amhriodol. Mewn ymateb, rydym wedi bwrw ymlaen ag apeliadau neu wedi rhannu pwyntiau dysgu gyda rheoleiddwyr.