Mae'r PSA yn ymateb i ymchwiliad The Times i feddygon sydd wedi'u gwahardd rhag ymarfer dramor gan weithio yn y GIG.

Mae gennym bryderon difrifol ynghylch yr honiadau a adroddwyd yn The Times bod meddygon sy'n destun cyfyngiadau proffesiynol dramor yn gallu ymarfer yn ddigyfyngiad yn y DU. 

Mae'n bwysig nad yw diogelwch cleifion yn cael ei beryglu a bod gwiriadau effeithiol ar waith fel y gall y cyhoedd fod yn hyderus y byddant yn derbyn gofal gan ymarferwyr sy'n bodloni'r safonau perthnasol o gymhwysedd a ymddygiad proffesiynol. Rydym yn disgwyl i reoleiddwyr gael systemau cadarn ar waith i nodi a gweithredu ar unrhyw hanes disgyblu perthnasol, gan gynnwys o'r tu allan i'r DU. 

Rydym yn adolygu ar frys y wybodaeth y mae'r Cyngor Meddygol Cyffredinol (GMC) wedi'i rhoi inni ynglŷn â'r camau y mae'n eu cymryd ynghylch y pryderon am feddygon unigol. Byddwn yn monitro hyn yn agos, yr hyn y mae'r GMC yn ei wneud i ddeall sut y digwyddodd hyn, a'r camau sydd eu hangen i atal hyn rhag digwydd yn y dyfodol.

Byddwn yn cysylltu â rheoleiddwyr iechyd a gofal cymdeithasol eraill y DU i gadarnhau sut maen nhw'n rheoli'r risgiau hyn i amddiffyn diogelwch cleifion.