Safonau Addysg a Hyfforddiant

Mae'r sefydliad yn cynnal ac yn cyhoeddi safonau cyfredol ar gyfer addysg a hyfforddiant sy'n blaenoriaethu diogelu'r cyhoedd, yn paratoi dysgwyr i weithio'n ddiogel ac yn effeithiol ac yn diwallu anghenion poblogaethau amrywiol.

Fel y gall y cyhoedd a chyflogwyr fod yn sicr bod darparwyr addysg a hyfforddiant yn cyfarparu'r rhai sy'n gweithio ym maes iechyd a gofal â'r wybodaeth, y sgiliau a'r ymddygiadau cywir i ddarparu gofal diogel ac effeithiol. Os ydych chi'n derbyn triniaeth gan rywun sy'n dysgu, gallwch fod yn sicr bod eu hymarfer yn cael ei oruchwylio'n briodol.

• Mae'r canlyniadau y mae'n rhaid i ddysgwyr eu cyflawni, a'r safonau a ddefnyddir i asesu darparwyr addysg ac asesu a rhaglenni addysg, yn cael eu cadw'n gyfredol.
• Mae'r canlyniadau y mae'n rhaid i ddysgwyr eu cyflawni yn cysylltu â'r safonau proffesiynol ar gyfer ymarferwyr ac yn paratoi dysgwyr i weithio'n ddiogel ac yn effeithiol, blaenoriaethu diogelu'r cyhoedd, a diwallu anghenion poblogaethau amrywiol.
• Mae'r safonau a ddefnyddir i asesu darparwyr addysg ac asesu a rhaglenni addysg yn blaenoriaethu diogelu'r cyhoedd. Maent yn cefnogi dysgwyr i gyflawni'r canlyniadau addysg.

Mae'r sefydliad yn effeithiol wrth sicrhau ei hun bod darparwyr addysg ac asesu yn cyflwyno dysgwyr sy'n bodloni'r canlyniadau addysg a gofynion cofrestru perthnasol eraill, ac yn darparu amgylchedd diogel ar gyfer dysgu.

Mae sefydliadau'n gosod safonau ar gyfer addysg a hyfforddiant mewn proffesiynau iechyd a gofal. Er mwyn sicrhau bod y safonau hyn yn cael eu bodloni, mae angen i sefydliadau gael prosesau sicrhau ansawdd effeithiol ar waith. Bydd hyn yn golygu bod darparwyr addysg a hyfforddiant yn cyfarparu'r rhai a fydd yn darparu iechyd a gofal â'r wybodaeth, y sgiliau a'r ymddygiadau cywir. Bydd sicrhau ansawdd yr amgylchedd dysgu yn golygu y gall pobl sy'n derbyn triniaeth gan rywun sy'n dysgu fod yn sicr bod eu hymarfer yn cael ei oruchwylio'n briodol.

• Mae'r prosesau sicrhau ansawdd ar gyfer darparwyr a rhaglenni addysg ac asesu yn gymesur, yn osgoi dyblygu diangen gyda sefydliadau eraill ac yn ystyried risg.
• Mae'r prosesau sicrhau ansawdd yn dryloyw ac yn gadarn ac yn sicrhau bod addysg a hyfforddiant yn darparu dysgwyr sydd wedi cyflawni'r canlyniadau addysg.
• Cymerir camau lle nodir pryderon ynghylch addysg a hyfforddiant a lle mae problemau diogelwch ehangach i gleifion a defnyddwyr gwasanaeth.
• Mae gwybodaeth am ganlyniadau gweithgaredd sicrhau ansawdd wedi'i chyhoeddi (ar gyfer y rheoleiddwyr) neu'n dryloyw (ar gyfer y Cofrestrau Achrededig) ac yn hawdd ei chyrchu.