Archwilio rôl deallusrwydd artiffisial mewn gofal iechyd

Yn ddiweddar, cynhaliwyd gweminar, mewn cydweithrediad â Dr Helen Smith RN a'r Athro Jonathan Ives o Brifysgol Bryste, yn archwilio'r potensial i ddatblygu canllawiau ar ddefnyddio deallusrwydd artiffisial (AI) mewn gofal iechyd. Daeth y weminar hon â gweithwyr gofal iechyd proffesiynol, rheoleiddwyr ac aelodau'r cyhoedd ynghyd i drafod y cyfleoedd a'r heriau o ddefnyddio AI mewn lleoliadau clinigol. Trwy gyfres o senarios byd go iawn a thrafodaethau grŵp, archwiliodd y cyfranogwyr themâu allweddol gan gynnwys diogelwch AI, rhagfarn, tryloywder, atebolrwydd, a phwysigrwydd goruchwyliaeth ddynol.

Tynnodd y sesiwn sylw at yr angen am ganllawiau clir, llywodraethu cryf, a data cynhwysol i sicrhau bod offer AI yn cefnogi gofal cleifion diogel, teg ac effeithiol. Pwysleisiodd y mynychwyr hefyd bwysigrwydd hyfforddiant, defnydd seiliedig ar dystiolaeth, a systemau adrodd effeithiol i feithrin ymddiriedaeth a chefnogi mabwysiadu AI yn gyfrifol ar draws gofal iechyd.