Cadeirydd yr Awdurdod i ymddiswyddo ar ddiwedd y flwyddyn

Mae George Jenkins OBE wedi cyhoeddi y bydd yn rhoi’r gorau i’w rôl fel Cadeirydd yr Awdurdod Safonau Proffesiynol ar gyfer Iechyd a Gofal Cymdeithasol pan ddaw ei dymor i ben ym mis Rhagfyr 2019.

Mae George Jenkins wedi arwain bwrdd yr Awdurdod ers 2016 ac mae wedi bod yn hyrwyddwr diogelu’r cyhoedd. Y llynedd fe oruchwyliodd benodiad Prif Weithredwr newydd yr Awdurdod, Alan Clamp.

Dywedodd George Jenkins: 'Rwy'n teimlo bod yr amser yn iawn i'r Awdurdod symud ymlaen o dan arweinyddiaeth newydd ar lefel y Prif Weithredwr a nawr ar lefel y Cadeirydd. Mae gennym gynllun strategol newydd ac rydym yn paratoi ar gyfer y diwygiad deddfwriaethol a fwriedir gan y llywodraeth ar gyfer rheoleiddio gweithwyr gofal iechyd proffesiynol. Mae'r Awdurdod wedi cael effaith aruthrol ar y sector dros yr ychydig flynyddoedd diwethaf, gan arwain y ffordd gyda'i ddull rheoleiddio cyffyrddiad cywir . Mae’n bryd yn awr i Gadeirydd newydd weithio mewn partneriaeth â’r Bwrdd, y Prif Swyddog Gweithredol a’r sector i roi diwygiadau deddfwriaethol ar waith ac i barhau i bwyso am y newidiadau mwy radical a argymhellwyd gennym, y credaf fod eu hangen o hyd. Mae gan yr Awdurdod Safonau Proffesiynol Fwrdd a Phrif Weithredwr cryf, a staff rhagorol. Mae hwn yn gyfle gwych i Gadeirydd newydd symud y sefydliad ymlaen i sicrhau ei fod yn parhau i wneud gwaith amhrisiadwy i gadw cleifion a'r cyhoedd yn ddiogel rhag niwed.'

Dywedodd Alan Clamp, Prif Weithredwr yr Awdurdod: 'Mae George yn Gadeirydd hynod brofiadol, uchel ei barch, sy'n gwbl ymroddedig i amddiffyn cleifion a gwella gofal. Mae'r cyfuniad o'i graffter busnes ynghyd â'i brofiad mewn arweinyddiaeth gofal iechyd wedi bod yn hynod werthfawr i'r Awdurdod ac i'r sector. Mae'n gadael gyda'n diolch a'n parch dwys'.

Bydd yr Awdurdod yn cychwyn ar y broses o benodi Cadeirydd newydd ym mis Medi.

DIWEDD

Awdurdod Safonau Proffesiynol ar gyfer Iechyd a Gofal Cymdeithasol 

Cyswllt:

Christine Braithwaite, Cyfarwyddwr Safonau a Pholisi

E-bost: Christine.Braithwaite@professionalstandards.org.uk

Derbynfa: 020 7389 8030

E-bost: info@professionalstandards.org.uk

Nodiadau i'r Golygydd

1. Mae’r Awdurdod Safonau Proffesiynol ar gyfer Iechyd a Gofal Cymdeithasol yn goruchwylio naw corff statudol sy’n rheoleiddio gweithwyr iechyd a gofal cymdeithasol proffesiynol yn y DU.
2. Rydym yn asesu eu perfformiad ac yn adrodd i'r Senedd. Rydym hefyd yn cynnal archwiliadau ac ymchwiliadau a gallwn apelio yn erbyn achosion addasrwydd i ymarfer i’r llysoedd os ydym o’r farn nad yw sancsiynau’n ddigonol i ddiogelu’r cyhoedd a’i fod er budd y cyhoedd.
3. Rydym hefyd yn gosod safonau ar gyfer sefydliadau sy'n dal cofrestrau gwirfoddol ar gyfer galwedigaethau iechyd a gofal cymdeithasol ac yn achredu'r rhai sy'n eu bodloni.
4. Rydym yn rhannu arfer da a gwybodaeth, yn cynnal ymchwil ac yn cyflwyno syniadau newydd i'n sector. Rydym yn monitro datblygiadau polisi yn y DU ac yn rhyngwladol ac yn rhoi cyngor ar faterion yn ymwneud â safonau proffesiynol mewn iechyd a gofal cymdeithasol.
5. Gwnawn hyn i hybu iechyd, diogelwch a lles defnyddwyr gwasanaethau iechyd a gofal cymdeithasol a'r cyhoedd. Rydym yn gorff annibynnol, yn atebol i Senedd y DU.
6. Mae ein gwerthoedd wrth wraidd pwy ydym ni a beth rydym yn ei wneud. Rydym wedi ymrwymo i fod yn ddiduedd, yn deg, yn hygyrch ac yn gyson wrth gymhwyso ein gwerthoedd.
7. Mae rhagor o wybodaeth am ein gwaith a’r dull a gymerwn ar gael yn www.professionalstandards.org.uk