Mae'r Awdurdod yn cefnogi datganiad ar y cyd y rheolyddion yn cydnabod yr amgylchiadau heriol a achosir gan y Coronafeirws

Rydym yn goruchwylio’r rheolyddion sy’n dal y cofrestrau o weithwyr iechyd a gofal cymdeithasol proffesiynol yn y DU. Rydym yn croesawu ac yn cefnogi eu datganiad ar y cyd diweddar sy’n cydnabod yr amgylchiadau hynod heriol y mae gweithwyr iechyd a gofal proffesiynol yn gweithio ynddynt i ddarparu gofal i’w cleifion a’r bobl sy’n defnyddio eu gwasanaethau. Mae'n parhau i fod yn hanfodol bod gweithwyr iechyd a gofal proffesiynol yn parhau i ddarparu gofal cymwys i'w cleifion a bod y rheolyddion yn cynnal eu dyletswyddau statudol yn y maes hwn. Fodd bynnag, rydym ninnau hefyd yn cydnabod yr heriau y mae’r pandemig hwn yn eu hachosi a byddwn yn gweithio gyda’r rheolyddion ar y ffordd orau i’w llywio.

Dywedodd Alan Clamp, Prif Weithredwr yr Awdurdod:

“Rydym i gyd yn hynod ddiolchgar i’r holl weithwyr iechyd a gofal proffesiynol sy’n gweithio mor ddiwyd yn ystod y pandemig hwn. Rydym yn croesawu ac yn cefnogi’r datganiad ar y cyd diweddar gan y rheolyddion i’w cofrestryddion gan roi sicrwydd iddynt y byddant yn rhoi ystyriaeth briodol i’r amgylchiadau hynod heriol y maent yn gweithio oddi tanynt. Hoffem roi sicrwydd i weithwyr iechyd a gofal proffesiynol y byddwn yn gweithio gyda'r rheolyddion a oruchwyliwn i sicrhau bod y cyd-destun y mae gweithwyr iechyd a gofal proffesiynol yn gweithio ynddo yn cael ei ystyried yn deg'.

Sylwch: y rheolyddion sydd wedi llofnodi’r datganiad yw:

• Cyngor Ceiropracteg Cyffredinol
• Cyngor Deintyddol Cyffredinol
• Cyngor Meddygol Cyffredinol
• Cyngor Optegol Cyffredinol
• Cyngor Osteopathig Cyffredinol
• Cyngor Fferyllol Cyffredinol
• Cyngor Proffesiynau Iechyd a Gofal
• Cyngor Nyrsio a Bydwreigiaeth
• Cymdeithas Fferyllol Gogledd Iwerddon
• Gwaith Cymdeithasol Lloegr

Dysgwch fwy am ein gwaith gyda'r rheolyddion

Cyswllt: media@professionalstandards.org.uk