Awdurdod yn cyhoeddi adroddiad blynyddol a chyfrifon 2021/2022

Heddiw cyhoeddwyd ein hadroddiad blynyddol a chyfrifon ar gyfer 2021/2022. Fe wnaethom barhau i amddiffyn y cyhoedd trwy ein gwaith, gan oruchwylio 10 o reoleiddwyr statudol a 23 o gofrestrau achrededig.

Roedd uchafbwyntiau’r flwyddyn yn cynnwys:

• Ein Hadolygiad Dysgu o Covid-19
•  Ein hadolygiad cyntaf o'r rheolydd newydd Social Work England
• 15 o apeliadau llwyddiannus gan ddefnyddio ein pwerau adran 29
• Prawf 'budd y cyhoedd' newydd ar gyfer ein rhaglen cofrestrau achrededig
• Ymagwedd newydd at ein hadolygiadau perfformiad
• Cyhoeddiadau ymchwil ar ragfarn wybyddol; ac ar wneud penderfyniadau moesegol yn ystod y pandemig
• Ymateb i gynigion y llywodraeth ar ddiwygio rheoleiddio.

Darllenwch ein huchafbwyntiau .

DIWEDD

Awdurdod Safonau Proffesiynol ar gyfer Iechyd a Gofal Cymdeithasol

 Cyswllt: Christine Braithwaite, Cyfarwyddwr Safonau a Pholisi

E-bost: media@professionalstandards.org.uk

Nodiadau i'r Golygydd

1. Mae’r Awdurdod Safonau Proffesiynol ar gyfer Iechyd a Gofal Cymdeithasol yn goruchwylio 10 corff statudol sy’n rheoleiddio gweithwyr iechyd a gofal cymdeithasol proffesiynol yn y DU.
2. Rydym yn asesu eu perfformiad ac yn adrodd i'r Senedd. Rydym hefyd yn cynnal archwiliadau ac ymchwiliadau a gallwn apelio yn erbyn achosion addasrwydd i ymarfer i’r llysoedd os ydym o’r farn nad yw sancsiynau’n ddigonol i ddiogelu’r cyhoedd a’i fod er budd y cyhoedd.
3. Rydym hefyd yn gosod safonau ar gyfer sefydliadau sy'n dal cofrestrau gwirfoddol ar gyfer galwedigaethau iechyd a gofal cymdeithasol ac yn achredu'r rhai sy'n eu bodloni.
4. Rydym yn rhannu arfer da a gwybodaeth, yn cynnal ymchwil ac yn cyflwyno syniadau newydd i'n sector. Rydym yn monitro datblygiadau polisi yn y DU ac yn rhyngwladol ac yn rhoi cyngor ar faterion yn ymwneud â safonau proffesiynol mewn iechyd a gofal cymdeithasol.
5. Gwnawn hyn i hybu iechyd, diogelwch a lles defnyddwyr gwasanaethau iechyd a gofal cymdeithasol a'r cyhoedd. Rydym yn gorff annibynnol, yn atebol i Senedd y DU.
6. Ein gwerthoedd yw – uniondeb, tryloywder, parch, tegwch a gwaith tîm – ac rydym yn ymdrechu i sicrhau eu bod yn greiddiol i’n gwaith.
7. Mae rhagor o wybodaeth am ein gwaith a'r dull a gymerwn ar gael yma .