Cynhadledd gofal mwy diogel i bawb - 9 Tachwedd 2022

A oes angen newid rheoleiddio i ddarparu gweithlu'r dyfodol? A oes gan weithwyr iechyd/gofal proffesiynol ddyletswydd i fynd i'r afael ag anghydraddoldebau? A yw rheoleiddio yn cadw cleifion yn ddiogel? A yw diwylliannau dysgu yn gydnaws ag atebolrwydd unigol a bod yn agored pan wneir camgymeriadau? Daeth dros 250 o fynychwyr ynghyd (bron) ar 9 Tachwedd i drafod a dadlau’r cwestiynau hyn ac archwilio materion a amlygwyd yn ein hadroddiad a gyhoeddwyd yn ddiweddar: Gofal mwy diogel i bawb – atebion o reoleiddio proffesiynol a thu hwnt .

Gwahoddwyd rhanddeiliaid i'r gynhadledd i symud y ddadl yn ei blaen yn dilyn cyhoeddi'r adroddiad ddechrau mis Medi. Roedd y gynhadledd yn gyfle i glywed barn arbenigwyr yn ogystal ag ystyried a herio'r themâu a godwyd yn yr adroddiad - gan gynnwys ein prif argymhelliad - sef creu comisiynydd diogelwch iechyd a gofal cymdeithasol ym mhob un o bedair gwlad y DU. Daeth y siaradwyr a’r cynrychiolwyr o reoleiddwyr proffesiynol a system yn ogystal â sefydliadau cleifion, yr ombwdsmon, y GIG, sefydliadau’r sector iechyd a gofal a Chadeiryddion o ymchwiliadau gofal iechyd mawr.

Ein prif nod wrth gynnal y gynhadledd oedd dechrau gweithio tuag at atebion a fydd yn cefnogi gofal mwy diogel i bawb. Rydym yn ddiolchgar i bawb a fynychodd, a roddodd gyflwyniadau, a ofynnodd gwestiynau ac a gyfrannodd at ein helpu i gynllunio sut y gallwn symud y gwaith hwn yn ei flaen.

Beth sy'n digwydd nesaf? 

Sylweddolwn mai ysgrifennu’r adroddiad a chyflwyno ei argymhellion oedd y rhan hawsaf o’r broses, nodi’r atebion a chydweithio (gyda’r byd rheoleiddio ehangach) i’w gwireddu fydd y rhan anoddaf.

Byddwn yn nodi ac yn ysgrifennu'r prif themâu sy'n deillio o drafodaethau'r gynhadledd, ac yn cyhoeddi'r rhain ar ein gwefan.

Gofal mwy diogel i bawb: atebion o reoleiddio proffesiynol a thu hwnt

Cyhoeddwyd yr adroddiad gennym ddechrau mis Medi ac ystyriodd bedair thema bwysig.

1. Mynd i'r afael ag anghydraddoldebau
2. Rheoleiddio ar gyfer risgiau newydd
3. Wynebu'r argyfwng gweithlu
4. Atebolrwydd, ofn a diogelwch y cyhoedd

Gallwch gael rhagor o wybodaeth am yr adroddiad yma , lle gallwch lawrlwytho crynodeb gweithredol neu ddarllen yr adroddiad llawn.