Mae PSA yn croesawu Candace Imison i'w Fwrdd

Mae’n bleser gennym gyhoeddi penodiad Candace Imison a ymunodd â Bwrdd y PSA ar 1 Medi 2024.

Bydd Candace yn dod â thri deg mlynedd o brofiad ym maes gofal iechyd a rheoleiddio yn y DU i’n Bwrdd. Bu'n Gyfarwyddwr Polisi yn Ymddiriedolaeth Nuffield ac yn Ddirprwy Gyfarwyddwr Polisi yn The King's Fund lle bu'n gwneud gwaith ymchwil a chyhoeddi ar ystod eang o bynciau, yn arbennig y gweithlu a chyfluniad gwasanaethau. Bu'n gweithio am bum mlynedd yn yr Adran Iechyd gan wneud gwaith ar strategaeth yn yr Uned Strategaeth a datblygu gweithlu iechyd a pholisi cyfluniad. Yn ddiweddarach, mae hi wedi gweithio i’r Sefydliad Cenedlaethol dros Ymchwil Iechyd a Gofal yn arwain ar ledaenu ymchwil a rhoi gwybodaeth ar waith.

Mae gan Candace brofiad helaeth o uwch reolwyr yn y GIG, gan gynnwys ar lefel bwrdd ar gyfer darparwyr gofal iechyd, comisiynwyr a rheoleiddwyr. Roedd yn gyfarwyddwr strategaeth ar gyfer ymddiriedolaeth acíwt fawr, yn gyfarwyddwr comisiynu mewn awdurdod iechyd, ac yn gyfarwyddwr anweithredol ar gyfer Ysbytai Addysgu Sheffield ac Ymddiriedolaethau Sefydledig Ysbyty Kingston.

Dywedodd Alan Clamp, Prif Swyddog Gweithredol PSA:

“Rwy’n falch iawn o groesawu Candace i’r PSA. Bydd yn dod ag ystod eang o brofiad ac arbenigedd i'n Bwrdd. Rwy’n edrych ymlaen at weithio gyda hi i gyflawni ein cynlluniau strategol a busnes, ac i ddatblygu ein gwaith o ddiogelu’r cyhoedd ymhellach.”

Dywedodd Caroline Corby, Cadeirydd PSA:

“Rwy’n edrych ymlaen at weithio gyda Candace. Mae Candace yn dod â chyfoeth o brofiad gyda hi mewn meysydd ffocws allweddol ar gyfer y PSA.”

Gallwch ddarganfod mwy am ein Bwrdd yma .

DIWEDD

Awdurdod Safonau Proffesiynol ar gyfer Iechyd a Gofal Cymdeithasol
Cyswllt: media@professionalstandards.org.uk Nodiadau i'r Golygydd

1. Mae’r Awdurdod Safonau Proffesiynol ar gyfer Iechyd a Gofal Cymdeithasol yn goruchwylio 10 corff statudol sy’n rheoleiddio gweithwyr iechyd a gofal cymdeithasol proffesiynol yn y DU.
2. Rydym yn asesu eu perfformiad ac yn adrodd i'r Senedd. Rydym hefyd yn cynnal archwiliadau ac ymchwiliadau a gallwn apelio yn erbyn achosion addasrwydd i ymarfer i’r llysoedd os ydym o’r farn nad yw sancsiynau’n ddigonol i ddiogelu’r cyhoedd a’i fod er budd y cyhoedd.
3. Rydym hefyd yn gosod safonau ar gyfer sefydliadau sy'n dal cofrestrau gwirfoddol ar gyfer galwedigaethau iechyd a gofal cymdeithasol ac yn achredu'r rhai sy'n eu bodloni.
4. Rydym yn rhannu arfer da a gwybodaeth, yn cynnal ymchwil ac yn cyflwyno syniadau newydd i'n sector. Rydym yn monitro datblygiadau polisi yn y DU ac yn rhyngwladol ac yn rhoi cyngor ar faterion yn ymwneud â safonau proffesiynol mewn iechyd a gofal cymdeithasol.
5. Gwnawn hyn i hybu iechyd, diogelwch a lles defnyddwyr gwasanaethau iechyd a gofal cymdeithasol a'r cyhoedd. Rydym yn gorff annibynnol, yn atebol i Senedd y DU.
6. Ein gwerthoedd yw – uniondeb, tryloywder, parch, tegwch a gwaith tîm – ac rydym yn ymdrechu i sicrhau eu bod yn greiddiol i’n gwaith.
7. Mae rhagor o wybodaeth am ein gwaith a’r dull a gymerwn ar gael yn www.professionalstandards.org.uk